Algjört æði í drykk og fæði

Í nóvember kom út bókin ALGJÖRT ÆÐI Í DRYKK OG FÆÐI eftir bandaríska næringarfræðinginn Esther Blum. Esther þessi nýtur mikilla vinsælda í New York þar sem hún býr og starfar. Bók hennar var metsölubók í Bandaríkjunum árið 2007 en nú hefur Gísli Rúnar Jónsson þýtt hana á íslensku en bókin er fleytifull af óborganlegum húmor, auk þess að vera afar fræðandi. Boðskapur höfundar í hnotskurn er sá að lífið sé einfaldlega of stutt til að vera í linnulausri megrun. Það er hægt að lifa lífinu, borða og drekka, en samt vera algjört æði, yst sem innst. Þetta er stórskemmtileg heilsubók sem allar konur verða að eignast. Esther Blum er lífskúnstner af guðs náð en bók hennar hefst selst í milljónum eintaka í Bandaríkjunum. Bókin fjallar um almennt heilbrigði, ekki síst í mat og drykk, hvað ber að gera og hvað ber að varast; auk þess gefur Esther okkur ráð um það hvernig við getum varist óheilbrigði, og jafnvel jafnað okkur daginn eftir. Hún fjallar einnig um samskiptin við gæjana í lífi okkar, ástarlífið og hvernig heilbrigt mataræði hefur áhrif á það. Hún gefur upp ótal uppskriftir að betri líðan í mat og drykk. Bókin kemur út í bráðsnjallri og stórskemmtilegri þýðingu Gísla Rúnars Jónssonar. Lifum lífinu án þess að gera það óbærilegt. Viljum við ekki allar vera æðislegar? Og njóta lífsins til fulls! Sjá: Algjört æði á www.facebook.com Hægt er að sjá Esther Blum og bók hennar: www.livinggorgeous.com http://www.youtube.com/watch?v=HpZR67pmTS8 http://news.softpedia.com/news/Esther-Blum-s-Revolutionary-No-Diet-Diet-101671.shtml