Augað

Hún heitir Hrefna Esmeralda, er 14 ára og gengur í Hagaskóla. Venjulegur íslenskur unglingur að öðru leyti en því að hún er hreinræktaður indjáni, fædd í Mexíkó, langminnst í bekknum, með þykka svarta fléttu niður á rass og samvaxnar augabrúnir.

Ævintýrin elta Hrefnu á röndum og nú lendir hún í æsilegri atburðarás á Kanaríeyjum. Hún kemst í tæri við alræmda glæpaklíku, sem teygir anga sína til mexíkósku mafíunnar, en alvöru pabbi Hrefnu var einmitt að vinna fyrir hana.

Hvað er gert við 14 ára stelpu sem er rænt? Hvers konar fólk getur hugsað sér að selja börn?
Þetta er önnur bókin um ævintýri Hrefnu. Fyrsta bókin heitir Martröð.

Höfundurinn Hallveig Thorlacius hefur starfað sem brúðuleikari árum saman og rekur brúðuleikhúsið Sögusvuntuna, auk þess sem hún er jógakennari og skrifar spennusögur fyrir unga lesendur.